Православните верници денеска го одбележуваат Велики четврток, посветен на споменот на Тајната вечера на Исус Христос со неговите ученици.
На овој ден се потсетува на воспоставувањето на светата причест, но и на предавството на Јуда. Во храмовите се служат богослужби исполнети со длабока духовност, а верниците се повикуваат на смирение, покајание и љубов.
Според традицијата, на Велики четврток се вапцуваат првите велигденски јајца, најчесто во црвена боја – симбол на Христовата жртва и воскресение. Првото јајце се чува како чувар на домот до следниот Велигден.
