Владата на 9-та редовна седница, која се одржа преку видео-конференциска интернет-комуникација ја разгледа и усвои Информацијата во врска со План за производство на АД „Електрани“, во државна сопственост, Скопје за февруари и март.
Согласно ова, донесена е одлука за продолжување на мерката со која дополнителните количини на електрична енергија ќе се обезбедат од домашно производство, односно од Друштвото за производство на електрична и топлинска енергија „ТЕ-ТО“ АД Скопје, кое ќе работи седум дена во неделата со полна моќност, во периодот од 1 февруари 2022 година до 31 март 2022 година.
Согласно оваа мерка, АД „Електрани” – Скопје ќе ја откупува целокупната произведена електричната енергија на Друштвото за производство на електрична и топлинска енергија „ТЕ-ТО“ АД Скопје, согласно правата и обврските меѓусебно утврдени со склучен Договор за купопродажба на електричната енергија.
