Пожарот кој попладнево избувна на дивата депонија во скопската населба Вардариште е ставен под целосна контрола – информираат од Дирекцијата за заштита и спасување (ДЗС).
Поради големиот пожар, повеќе населби во Скопје останаа без електрична енергија, откако беа исклучени дел од далеководите од безбедносни причини.
Од Дирекцијата за заштита и спасување информираат дека електричната енергија постепено се пушта и снабдувањето ќе се нормализира дел по дел.
Екипите остануваат на терен за да ја следат состојбата и да спречат повторно активирање на огнот.
