Градот Скопје информира дека во следниот период ќе се врши втората фаза од прскањето против ларви од комарци на подрачјето на главниот град. Авионската дезинсекција против ларвите од комарци ќе се изврши в понеделник, во раните утриниски часови, додека терестричната дезинсекција ќе продолжи во вторник, во текот на денот.
Доколку временските услови не го дозволуваат вршењето на дезинсекцијата, таа ќе се изврши првиот нареден ден, кога ќе бидат поволни временските услови, во истиот термин.
Градот ги потсети и пчеларите навремено да ги преземат потребните мерки за заштита на пчелите.
