Делегација од општина Битола во состав заменик градоначалник Бојан Бојкоски и советниците Зоран Петковски и Алмир Адемоски, присуствуваше на настаните по
повод одбележувањето на денот на градот Цетиње, Црна Гора.
За време на престојот во Цетиње, делегацијата присуствуваше на повеќе организирани настани по повод одбележувањето на денот на Цетиње, меѓу кои и на отворањето на изложбата под наслов „Екомитологија“, на која се претставија шеснаесет уметници од шест држави.
По положувањето на венци во Спомен-костурницата и во Влашката црква, вчера се одржа свечената седница на Собранието на град Цетиње по повод одбележувањето на 13 Ноември, Денот на град Цетиње. Свечената седница се одржа во присуство на голем број државни функционери од Црна Гора, дипломатскиот кор и претставници на збратимените градови со Цетиње и други градови и општини од Црна Гора.
Претставниците на општина Битола остварија средба и со градоначалникот на Цетиње Никола Ѓурашковиќ, на која ја потенцираа заедничката заложба за продлабочување на соработката помеѓу двата градови во наредниот период. М.М.
