Поради пад од лизгање на снег, неделава, во велешката болница со фрактури се јавиле 16 пациенти. Портпаролот на велешката ЈЗУ Општа болница Марина Андова, за МИА информираше дека повредените, главно повозрасни, биле со фрактури на екстремитетите, а некои и со повреди на колкот.
-На повредените, нашиот тим лекари итно по приемот во болница им ги санираше повредите и тие беа ставени во гипс и лонгета, а потоа беа испратени на домашно лекување. Некои со потешки повреди, како на колкот, беа оперирани во велешката болница или упатени на понатамошно лекување во скопските клиники, информира Андова.
Од ЈЗУ Општа болница апелираат до граѓаните, особено повозрасните, да не излегуваат од домот во своите дворови и на улица без поголема потреба, со што ќе го заштитат своето здравје од тешки повреди.
