ГЕВГЕЛИЈА
Според податоците на Министерството за здравство за процентот на вакцинирани лица со вакцина против ковид-19 по градови, Гевгелија е на првото место, со најголем опфат на имунизирани граѓани, кој изнесува 46,2 отсто, информираат од Општината. Вкупно 12.698 лица примиле прва доза, а 8.325 втора доза вакцина.
– Преку теренската вакцинација се вакцинирани 1.554 лица. Кон крајот на оваа недела, по пребројувањето на регистрираните вакцинирани лица се очекува оваа бројка да биде зголемена, бидејќи расте интересот на граѓаните да стекнат имунитет. По Гевгелија, следуваат Кавадарци со 46,1 отсто, Охрид со 45,4 отсто, Битола со 43 отсто и Штип со 41,1 отсто, со највисок опфат на вакцинирано население. Заклучно со 1 август, со една доза вакцина се вакцинирани 31 отсто од населението над 18-годишна возраст во државата – велат од Општината.
