Бараме тоа што ни следува според Колективен договор и затоа испраќаме јасна и гласна порака дека е потребно и не смее да се одложува почитувањето на колективните договори во основното и средното образование, односно на Општиот колективен договор, изјави вечерва од Битола претседателот на Независниот синдикат за образование и наука Томислав Гиевски.
На вечерашниот протестен марш по Широк Сокак, кој заврши на плоштадот Магнолија, Гиевски посочи дека е потребно час поскоро да се направи услогласување на платата согласно растот на минималната плата затоа што неможе само НСОН во 2024 година да не добие порамнување на платата.
– Не се откажуваме од предвидениот рок за исплата на плата кој мора да биде 10-ти во месецот затоа што така пишува во колективните договори. Не се откажуваме ниту од правата што се содржани во колективните договори и потребно е истите во целост да се почитуваат – посочи Гиевски.
Побара и трансфомација на работниот однос од определено на неопределено време за членовите на Синдикатот.
– Апелираме сите институции да го почитуваат оОпштиот колективен договор, да се исплаќа јубилејна награда најдоцна до 31 декември, а ако не се почитуваат правата од потпишаните колективни договори, тогаш од 1 јануари 2025 година ќе покренеме постапки кои државата ќе ја чинат многу поскапо – рече Гиевски.
