Полициски службеници вчера попладнето во Кривогаштани од слобода го лишиле З.К.(32) од Кривогаштани, бидејќи при претрес во неговиот дом, извршен со судска наредба, било пронајдено и одземено оружје.
Според МВР пронајдени биле една малокалибарска пушка „Брно“ со монтиран оптички нишан и монтирани ногарки, 235 куршуми калибар 221 мм, 25 куршуми калибар 9 мм, 5 куршуми калибар 7,9 мм, 90 куршуми калибар 8х57, една рачна шок бомба, четири рачни чадни бомби и други предмети за кои постои сомнение дека потекнуваат од кривично дело.
Приведениот З.К., исто така, се сомничи дека сторил кривично дело „кражба“. Поради сомнение за сторена кражба бил приведен и М.С.(28) од општина Кривогаштани.
По целосно документирање на случајот против нив ќе бидат поднесени соодветни пријави.
Ка.М
