Претседателот на Франција, Емануел Макрон, штотуку одигра валкана игра, изигрувајќи го својот пријател Ален Берсет преку т.н. ефект на бранување. Имено, со одлуката да го распушти своето Национално собрание, „францускиот претседател ги испрати сите дома“, а во исто време ја лиши Франција од нејзините претставници во Советот на Европа. Токму тие (распуштени) претставници требаше да го изберат генералниот секретар, а Ален Берсет, пријателот на Макрон, сметаше на тие гласови…
Кога ќе излезе новиот број на „Нова Македонија“, најстарата паневропска организација Советот на Европа (или таканаречена Совест на Европа) ќе го има својот нов генерален секретар, кој треба да ја наследи Хрватката Марија Пејчиновиќ Буриќ.
Поранешниот сојузен советник на Швајцарија Ален Берсет, кој е меѓу тројцата кандидати за оваа функција, се најде без една од своите најголеми поддршки – Емануел Макрон, кој примени непријатен трик со Ален Берсет во трката за Советот на Европа. Макрон со распуштањето на Националното собрание во Франција му одзеде одредени гласови, а француските парламентарци се отсутни во Стразбур. Тоа е доволно за да ја ослаби неговата позиција на фаворит. Отсутни се и македонските парламентарци, бидејќи Собранието не успеа да ја изгласа делегацијата што нѐ претставува во ПССЕ.
И покрај тоа што тие зборуваат неформално, Емануел Макрон штотуку одигра валкана игра, изигрувајќи го својот пријател Ален Берсет преку ефектот на бранување. Со одлуката да го распушти своето Национално собрание, францускиот претседател ги испрати сите дома, а во исто време ја лиши Франција од нејзините претставници во Советот на Европа. Сепак, токму тие претставници треба да го изберат генералниот секретар, а Ален Берсет сметаше на тие гласови.
Распуштањето на британскиот парламент исто така би можело да работи на негова штета, бидејќи Велика Британија повеќе не е членка на Европската Унија, позиција што ја дели со Швајцарија.
Националниот советник Демиен Котие: „Сигурно е дека губиме гласови“!
– Ќе мораме без тоа, тоа е политика! Добро работевме со овие делегации, имавме добри сигнали. Дури и ако никој не може да знае дали ќе имавме корист од сите нивни гласови, сигурно е дека ќе изгубиме дел – реагираше националниот советник Демиен Котие (PLR/NE) во неделата на РТС, во 19:30 часот.
Затоа, ситуацијата стана малку комплицирана за фрибуржуите, кои ќе им се спротивстават на белгискиот еврокомесар Дидие Рејндерс и поранешниот естонски министер за култура Индрек Сар. Ален Берсет важеше за фаворит: на 25 март Комитетот на министри прво го наведе неговото име кога ги објави овие три кандидатури „по редослед на предност“.
Швајцарија со поддршка на кандидатурата на Ален Берсет
Швајцарската парламентарна делегација во Стразбур, сепак, останува уверена. Таа инсистира дека Ален Берсет имал добра кампања. Тој патуваше низ Европа, посети повеќе од 25 земји, се ракуваше со многумина. Швајцарската делегација е обединета зад него, а набљудувачите велат дека тој има најдобар профил. Игнацио Касис го препорача лично до Советот на Европа во писмо во кое го претставува својот „поранешен колега“ како „идеален кандидат“.
– Имаме работа со земји што се во Европската Унија, други надвор… Има 46 држави, различни партии. Затоа тоа е многу комплицирано. Но одгласите се добри, бидејќи Ален Берсет навистина го има профилот, ние сме полни со надеж – изјави националниот советник Пјер-Ален Фридез.
За кандидатурата на Ален Берсет работи и Федералното министерство за надворешни работи, па дури го покани да учествува во кампања во Бургеншток по повод Мировниот самит во Украина. Тој очекува избори во два круга. И со речиси 300 гласачи вкупно, „мораме да се продадеме на многу, многу различно гласачко тело“, потсетува Пјер-Ален Фридез.
И без француските и британските гласови, неговиот естонски конкурент Индрек Сар сега има мали шанси, со веројатното назначување на еден од неговите сонародници во Европската комисија. Од друга страна, Белгиецот Дидие Рејндерс останува во трката и може да смета на својата мрежа и своето искуство во европските институции.
Досега ниту еден Швајцарец не ја извршувал функцијата генерален секретар на Советот на Европа, институција што особено го надгледува Европскиот суд за човекови права.
Членовите на Секретаријатот на Советот на Европа се независни од државите чии државјани се и се ставени под раководство на генерален секретар избран од Парламентарното собрание со мандат од пет години. Изборот се одвива во два круга на гласање, ако при првиот круг не се добие апсолутно мнозинство.
Тони Гламчевски, дописник на „Нова Македонија“ од Стразбур
