Европските лидери му дадоа зелено светло на Скопје за влез во ЕУ, но сега постои уште една пречка – Бугарија, наведува „Jуроњуз“ во анализата насловена „Бугарија става кочници за соништата на Северна Македонија за ЕУ. Еве зошто“.
Според „Јуроњуз“, причината за блокирањето е поради внатрешно-политичките проблеми во владата на бугарскиот премиер, Бојко Борисов.
– Софија, која моментно зафатена со долготрајни антивладини протести, се противи на започнувањето на разговорите за членство, велејќи дека не е задоволна од сегашната рамка за преговори. Протестите против корупцијата во Бугарија траат повеќе од 100 дена, а демонстрантите бараат оставка од Борисов и главниот обвинител Иван Гешев. Тие се обвинети за поврзаност со олигархиската мафија – наведува „Јуроњуз“.
Во анализата се нагласува дека за Бугарија, процесот на пристапување кон Македонија е начин да извлече отстапки во исклучително деликатен момент за Скопје.
– Иако повеќето од барањата се нематеријални прашања како идентитетот и историјата, тие ја одрзауваат потребата на бугарската Влада за заземе силна националистичка позиција поради внатрешно политички причини. Особено во време на обвинувањата за корупција, улични протести и економски тешкотии заради пандемијата – пишува „Јуроњуз“.
Се додава дека Бугарија сака Македонија да признае дека јазикот што го зборува македонското мнозинство е бугарски дијалект, а бараат и Скопје го признае бугарското потекло на македонската нација и да се откаже од какви било тврдења дека во Бугарија има посебно македонско малцинство.
Според Меѓународниот институт за блискоисточни и балкански студии (ИФИМЕС), етничките Македонци сочинуваат 10 проценти од населението во Бугарија, наведува „Јуроњуз“. ИФИМЕС, во неодамнешната анализа тврди дека „бугарскиот и македонскиот јазик се два различни јазика за кои во меѓусебната комуникација е потребен превод, за разлика од на пример, во случајот на српскиот и хрватскиот јазик за кои во јазичната комуникација не се бара толкување.
