Одзивот на предвремените парламентарни избори до 17 часот е 38,78 отсто, а со оглед на ситуацијата во која се гласа овој одзив е задоволителен, рече претседателот на Државната изборна комисија Оливер Деркоски. До 17 часот на гласање излегле вкупно 703.597 гласачи.
Најголем одзив до 17 часот има во Крива Паланка каде што на гласање излегле 58,7 отсто од гласачите.
Во Првата изборна единица на гласање излегле 127. 007 гласачи, односно одзивот е 41,01 отсто. Во Втората изборна единица излегле 118.270, одзивот е 36,98 отсто. Во третата изборна единица одзивот е 43,87 отсто, гласале 122.181 гласач. Четвртата изборна единица има одзив од 43,99 отсто, односно гласале 124.276 граѓани. Во Петтата изборна единица излегле 120. 184 граѓани, одзивот е 38,22 отсто и во Шестата изборна единица, повторно одзивот е најмал, 29,6 отсто, гласале 91.678 гласачи.
– Голем одзив има во Општина Аеродром 42,94 отсто, Карпош има одѕив од 44,11 отсто, во Кисела Вода одѕивот е 42,26 отсто и висок одѕив се бележи и во Македонски Брод каде што 55,65 отсто од гласачите излегле да гласаат. Во Центар одѕивот е 43,69 отсто. Во Изборната единица 2 висок одѕив има во Бутел 40,39 отсто, 36,55 отсто во Куманово. Во Третата изборна единица во Берово одѕивот е 48,32 отсто, во Крива Паланка 58,7 отсто, каде што одзивот е најголем во државата, Лозово 55,93, а во Изборната единица 4 одѕив од 44,84 има во Битола каде што излегле 35.700 гласачи, Во Кичево 39,27 отсто, во Охрид 41,7 отсто и во Шестата изборна единица Тетово има одзив од 33,75 отсто, Гостивар 30,32 отсто, Јегуновце 31,99 отсто. Одзивот е задоволителен со оглед на ситуацијата во која се гласа и очекуваме до крајот на денот гласачите да си остварат правото и да дадат легитимитет на овие избори – рече претседателот Деркоски.
Тој нагласи дека добиле претставки за неколку за нарушувања на изборниот процес и неколку приговори за повреда на изборен молк кои веднаш биле решени е не можат да го нарушат изборниот процес.
