Киро Кипроски, новинар и публицист, почина утрово на 76-годишна возраст. Тажната вест ја објавија членови на неговото семејство.
Во неговата петдецениска кариера најдолго работеше во локалната радиостаница Радио Гостивар, а како дописник соработуваше со „Нова Македонија“, МИА, „Утрински весник“, Макфакс, Радио Скопје, „Екран“, Дојче Веле и повеќе неделници и ревии од поранешната Југославија.
Автор е петнаесетина монографии и книги за кои има добиено и признанија. На читателската публика и е познат по репортажите и фотографиите од посетите на Света Гора, Кина, Египет, за особеностите на мијачкиот крај. Кипроски беше заштитен знак на манифестацијата „Галичка свадба“ и ги следеше сите нејзини изданија.
Редакцијата на „Нова Македонија“ изразува сочувство до најблиските на Кипроски.
