Почина пациент повреден во пожарот во дискотеката во Кочани, кој беше испратен на лекување во Литванија. Тој е 60-тата жртва во трагедијата во Кочани.
Информацијата утрово за МИА ја потврдил д-р Игор Николов, координатор за состојбата на повредените пациенти кои се на лекување во странство.
Дел од медиумите пренесуваат дека станува збор за управителот на дискотеката „Пулс“ во Кочани, Александар Карадакоски.
За денеска во 13 часот, како што најави Николов, состанок ќе одржи и Кризниот штаб по што се очекуваат повеќе детали.
