Македонија ја испорачува најдобрата реформска агенда во Западен Балкан, оцени денеска австрискиот амбасадор Мартин Памер, на конференцијата на Академијата за европска интеграција, насловена „Патот на Макеодонија до ЕУ: Предизвици и можности“.
Според амбасадорот, граѓаните треба да бидат оптимисти, бидејќи, како што рече, „Владата посветено работи на евроинтеграциите и Македонија веќе оди кон Унијата, трае скриниг процесот, следно е одржувањето на втората меѓувладина конференција, со што би започнал преговарачкиот процес“. Памер додаде дека очекува уставните измени да се спроведат во услови на добра волја.
– Македонија беше првата држава од Западен Балкан што ја испорача реформската агенда за планот за раст на Западен Балкан и тоа всушност беше најдобриот план. Тој е сеопфатен добро развиен, што ниту една земја во регионот досега не успеа да дојде до тоа – рече Памер.
Заменик министерката за европски прашања, Викторија Трајков, на конференцијата нагласи дека активно се работи на спроведување на реформската агенда, но дека веќе сме изморени од ветувања и условувања.
– Македонската Влада е подготвена да го вложи целокупниот човечки и институцинален потенцијал за да стане дел од европското семејство, но дека веќе сме изморени од ветувања и условувања преку кои не се поминува – рече Трајков и додаде дека финансиските средства кои ги добиваме од Европската унија за спроведените реформи се доказ дека посветено и успешно се работи на реформаската агенда.
