Во Маврови Анови наврна најмногу снег или 52 сантиметри, на Попова Шапка снежната покривка е 38, Пожаране е 32, во Крушево 30 сантиметри
Најниска температура во земјава изутринава е измерена на Попова Шапка -11 степени Целзиусови, во Маврово – 6, во Крушево – 5, во Берово – 3, Дебар -2, а максимални четири степени се измерени во Гевгелија, соопшти УХМР.
Во Маврови Анови наврна најмногу снег или 52 сантиметри, на Попова Шапка снежната покривка е 38, Пожаране е 32, во Крушево 30 сантиметри.
Најмногу дожд, пак, во изминатите 24 часа наврна во Пожаране и Маврово 23 литри на метар квадратен, потоа во Крушево 20, Демир Капија 16, Струмица и Дебар 13, Скопје – Петровец 12, Тетово и Битола 11, а најмалку во Виница три литри.
Во текот на ноќта беше облачно со повремени врнежи претежно од снег.
Утрово врнежите се слаби и локални, претежно во источните делови.
Дуваше слаб до умерен ветер од северен правец.
