Со денешната постапка Христијан Мицкоски се обидува да изврши упад и ја загрозува истрагата за Онкологија, вели пратеникот од СДСМ, Ненад Коциќ.
Пратеникот верува дека ако навистина има докази Мицкоски треба да ги поднесе до надлежни институции, пред се до надлежно Јавното обвинителство.
Мицкоски изнесе тврдења за доцнење на лекови на Онкологија, ќе ги достави до обвинителството
-Од каде знае Мицкоски дека овие информации веќе не се дел од истрагата? Јавно објавување значи директно загрозување на истрагата за Онкологија. Прикривање докази исто така е кривично дело. Очигледно Мицкоски свесно ја загрозува истрагата за Онкологија и прашање е која е неговата цел, дали сака да ја попречи правдата. Очекуваме реакции од надлежните институции за овој чекор на Мицкоски- вели Коциќ.
Како што додаде, одговорност за сите инволвирани во случајот на клиниката за онкологија ќе има без пардон, независно од политичката или етничка припадност.
-После 20 години, гласини и индиции во голем број на сектори, а особено во здравствениот сектор, вели Коциќ, за првпат во време на СДСМ институции влегоа и направија акција за расчистување. Одговорност ќе има за сите – уверува тој.
