Жители на село Дебреше биле нападнати рано утринава затоа што делеле пропаганден материјал низ селото, соопшти Јавното обвинителство.
– Рано утринава е пријавен настан што се случил во 3:20 часот. Претседателот на месната заедница од село Дебреше пријавил кршење на предизборен молк од страна на две лица од село Дебреше. Лицата со автомобил низ селото растурале пропаганден материјал флаери на една од коалициите при што биле забележани и физички нападнати од друго лице – соопштија од Обвинителството.
Едно од лицата кои делеле пропаганден материјал е пренесено во Ургентен центар – Гостивар. Сите иволвирани во моментот се во полициска станица и се работи на расчистување и документирање на случајот.
