Едно лице загина во сообраќајна несреќа што попладнево се случи на регионалниот пат меѓу гостиварските села Равен и Вруток.
Од СВР Тетово соопштија дека судирот се случил меѓу автомобил „Ауди“ со гостиварски регистарски ознаки, што бил управуван од лицето М.З (62) од Гостивар и мотоцикл „кавасаки”, што го управувал З. З. (21).
– Во несреќата, мотоциклистот од задобиените повреди починал на самото место. Во моментов јавен обвинител со увидна екипа вриш увид и се работи на утврдување на причините и околностите кои довеле до несреќата, рече Марјан Јосифоски, портпарол на СВР Тетово.
Минатиот месец беа регистрирани 10 собраќајни несреќи, што споредно со лани е за двојно помалку. Во нив, нема загинати и тешко повредени, додека пет лица се задобиле со телесни повреди (двајца возачи, исто толку сопатници и еден пешак).
