Апелацискиот суд Скопје делумно ги уважи жалбите на обвинетиот Зоран Милески – Кичеец во случајот „Рекет“, потврдувајќи ја првостепената пресуда по однос на вината и изречената кривична санкција. А одлуката за одземање на предмети ја укина и во овој дел предметот го врати на првостепениот суд на повторно постапување и одлучување.
– Апелацискиот суд Скопје известува дека, постапувајќи по кривичниот предмет КОКЖ- 8/20, во јавноста познат како „Рекет“, по одржана јавна седница на ден 2.9.2020 година, донесе пресуда со која жалбите на обвинетиот Зоран Милески од Скопје, делумно ги уважи на начин што ја потврди првостепената пресуда, по однос на вината и изречената кривична санкција, додека во делот на одлуката за одземање на предмети ја укина и во овој дел предметот го врати на првостепениот суд на повторно постапување и одлучување – соопштија од Апелацискиот суд.
– Реклама –
Одлуката во целост ќе биде објавена на веб-страницата на судот, во рокот определен со Законот за управување со движењето на предметите во судовите.
