Локализиран е пожарот што избувна во влизина на скопскиот Аквадукт, во близина на улица „Словенечка“, каде гореше ниска вегетација и ниска стеблеста шума – информира Центарот за управување со кризи (ЦУК).
На терен интервенирале екипи на Територијалната противпожарна бригада на Град Скопје (БППЗ) со три противпожарни возила и девет пожарникари.
Под целосна контрола е пожарот, што избувна попладнево на отворен простор во близина на римскиот аквадукт во Скопје. Од пожарот беше зафатена трева и грмушки и поголема количина на расфрално ѓубре низ опожарениот простор – информира Дирекцијата за заштита и спасување (ДЗС).
Директорот на ДЗС Стојанче Ангелов очекува пожарот набрзо да биде целосно изгаснат.
– Екипите на Територијалната противпожарна бригада на Град Скопје (БППЗ) веднаш излегоа на терен, но при гаснењето беа попречувани од припадници на една етничка заедница која живее на и околу опожареното место поради што беше побарана полициска интервенција за непречено одвивање на гаснењето – изјави Ангелов.
