Само за неколку дена, македонската полиција успеала да пронајде марихуана кај неколку лица во земјава, при што најголемиот број се најдени во ист ден при редовни контроли кај поединци, а биле поднесени и кривични пријави поради неовластено производство и пуштање во промет наркотични дроги, психотропни супстанции и прекурсори. Шпанската цивилна гарда и Француската национална полиција, поддржани од Европол, успешно разбија организирана криминална група вклучена во трговија со дрога и перење пари на крајот на 2021 година
ШВЕРЦОТ И НЕЛЕГАЛНОТО КОРИСТЕЊЕ НА МАРИХУАНАТА ВО ПОДЕМ
Шверцот на марихуана и нелегалното користење се чини дека земаат сѐ поголем замав, и тоа не само во земјава туку и во Европа. Во првиот месец од новата година, аналитиката регистрира дека не се намалува бројот на шверцери ниту бројот на нелегални корисници, туку, напротив, се зголемува. За тоа доволно говорат не само податоците на македонската полиција туку и на Европол.
СЀ ПОВЕЌЕ НЕОВЛАСТЕНО ПРОИЗВОДСТВО И ПУШТАЊЕ ВО ПРОМЕТ НА НАРКОТИЧНИ ДРОГИ
Само за неколку дена, македонската полиција успеала да пронајде марихуана кај неколку лица во земјава, при што најголемиот број се најдени во еден ист ден при редовни контроли кај поединци, а биле поднесени и кривични пријави поради неовластено производство и пуштање во промет наркотични дроги, психотропни супстанции и прекурсори.
Она што е карактеристично е тоа што лицата кај кои е пронајдена марихуаната се на возраст од 19 до 30 години, а најголем дел од нив е на возраст од околу дваесет години, што покажува дека корисници на марихуана се претежно млади лица.
Кај еден триесетгодишник, кој бил на прошетка во парк-шумата Гази Баба, биле пронајдени марихуана и дробилка од марихуана, додека во Аеродром била пронајдена марихуана кај деветнаесетгодишно момче. Кај 21, 22 и 26-годишни момчиња во Скопје исто така бил пронајден канабис. Против сите нив ќе бидат поднесени соодветни пријави откако ќе бидат документирани случаите.
ЗАЕДНИЧКА АКЦИЈА НА ФРАНЦИЈА, ШПАНИЈА И ЕВРОПОЛ
Марихуаната претставува сериозен предизвик и за европските полициски сили низ Стариот Континент. Само во Шпанија и во Франција, криминална мрежа шверцувала тони канабис од Мароко во Шпанија и во Франција, со помош на воздушен сообраќај.
Шпанската цивилна гарда (Guardia Civil) и Француската национална полиција (Police Nationale/OFAST), поддржани од Европол, успешно разбија организирана криминална група вклучена во трговија со дрога и перење пари на крајот на 2021 година.
Во рамките на акцијата се реализирани седум претреси на куќи и 11 апсења (две во Франција и девет во Шпанија), а откриени се 2.400 кг хашиш и 112 кг марихуана. Биле откриени и шест автомобили за шверц, четири мотори, два камиона, две приколки, четири хеликоптери модифицирани за транспорт на канабис, 4.000 литри бензин. Исто така било откриено оружје, како и две машини за броење пари, еден инхибитор на фреквенција, еден детектор за фреквенција и 30 телефони. Запленети биле и 2.355 евра во готово.
ШВЕРЦ НА КАНАБИС СО ХЕЛИКОПТЕРИ НИЗ МЕДИТЕРАНОТ
Криминалната мрежа се занимавала со шверц на хашиш и марихуана од Мароко кон југот на Шпанија, пред да ја прошверцува дрогата во Франција. Истражителите откриле дека осомничените користеле и до пет лажни идентитети по лице. Осомничените ја транспортирале дрогата од Мароко со употреба на модифицирани хеликоптери. Мрежата потоа ја шверцувала дрогата во Франција, со методот „оди брзо“ (користејќи возила со лажни таблички) или со прикривање на канабисот во легални товари транспортирани со тешки товарни возила. Потерата со автомобил во Шпанија доведе до откривање на 329 килограми хашиш скриени во приватно возило. Возачот постигнал брзина и до 180 км/ч. додека се обидувал да ѝ побегне на шпанската стража. Тој бил уапсен заедно со уште три лица. Шпанските службеници откриле 266 килограми хашиш на адресата каде што бил регистриран автомобилот.
Како што информираат од Европол, криминалната организација го користела профитот од трговијата со дрога за да ја подобри својата техничка поставеност и да ги прошири своите можности за трговија. Компаниите „Шел“ биле користени за перење пари и прикривање на сите детали поврзани со потеклото и сопственоста на средствата.
