Еуфоријата од продажбата може скапо да ги чини граѓаните ако не бидат доволно внимателни. Овој период секако ќе биде добра можност за измамниците, кои ќе се обидат на секој можен начин да ја искористат можноста, преку различни форми на измама применети кон купувачите, да заработат црни пари…
ДОАЃА ДЕНОТ КОГА ПОПУСТИТЕ СЕ ПОВАЖНИ ОД СИГУРНОСТА НА ГРАЃАНИТЕ
Кога луѓето ќе го слушнат терминот „црн петок“, вообичаено, прво нешто што им паѓа на ум е пазарењето по екстремно ниски цени, бидејќи овој ден, насекаде во светот, е ден кога продавниците даваат големи попусти. Дополнително, крајот на годината секогаш е период кога граѓаните масовно пазаруваат подготвувајќи се за новогодишните празници. Сепак, овој период секако ќе биде добра можност за измамниците, кои ќе се обидат на секој можен начин да ја искористат можноста, преку измама на купувачите, да заработат пари.
Онлајн измамниците (интензивно) се подготвуваат
Настаните како црн петок се моменти кога измамниците ја зголемуваат својата активност. „Револут“, глобална финансиска апликација со повеќе од 35 милиони корисници низ светот, ги предупредува своите корисници дека еуфоријата од продажбата може скапо да ги чини ако не бидат доволно внимателни.
Се повикуваат љубителите на продажбата да бидат внимателни оваа продажна сезона, со оглед на зголемените стапки на измами, кои ги чинеа потрошувачите 41 милијарда долари во 2022 година, а се предвидува оваа бројка да се зголеми на 48 милијарди долари на глобално ниво оваа година, според истражувањето на „Џунипер“.
Минатата година, само на црн петок, корисниците на „Револут“ во Хрватска потрошиле речиси половина милион евра користејќи виртуелни еднократни картички – што е зголемување од 91 отсто од година на година во споредба со истата временска рамка во 2021 година. Виртуелните еднократни картички всушност се нешто како припејд-картички, на кои дополнувате пари, но по плаќањето, тие веднаш се уништуваат, па така, не постои ризик да бидете ограбени.
Дејвид Еборн, шеф за финансиски криминал во „Револут“, вели дека онлајн измамниците се особено активни за време на црниот петок кога сезоната на продажба е најголема.
– Измамниците често ги мамат клиентите со цел да ги остават со празни раце користејќи различни техники, како што е поставување одредена временска рамка во која тие можат да купат одредена ставка – вели тој.
На што треба граѓаните да бидат особено внимателни
Според Еборн, потрошувачите мора да се заштитат во ваквите денови.
Лажни веб-страници: Измамниците ја користат најновата и најдобра технологија за да поставуваат веб-страници за лажни трговци за да изгледаат како вистински онлајн продавници. Некои од лажните продавници ќе ви го испратат производот што сте го купиле, но нивната вистинска цел била да ги добијат вашите лични информации и информации за картичката.
Продажба на фалсификувани производи: некои веб-локации продаваат луксузни предмети како што се популарен накит или брендови на облека или електроника по многу ниски цени. Понекогаш клиентите може да го добијат предметот за кој платиле, но тој ќе биде лажен, или во други случаи ќе останат без артиклот.
Привремени лажни страници: понов метод на измама за купување преку интернет вклучува користење платформи за социјални медиуми за поставување лажни онлајн продавници. Продавниците се отвораат кратко време, а потоа исчезнуваат откако ќе се направат некои продажби.
Рекламирање на социјалните мрежи: измамниците ги користат социјалните медиуми за да ја рекламираат својата лажна веб-страница. Тие често ги користат функциите „Повлечете нагоре“ и вршат временски притисок за да создадат чувство на итност.
Д.Т.З.
