Во судир на два мотоцикли, управувани од малолетници, синоќа во скопското село Кадино загинал 16-годишник.
Како што информираат од МВР, непосредно пред полноќ во скопското село Кадино, се случила сообраќајна незгода меѓу мотоцикл „пиаџо“, без регистарски ознаки, управуван од 18-годишен скопјанец, на кој се превезувала и 17-годишна малолетничка од Скопје и мотоцикл „малагути“, без регистарски ознаки, управуван од 16-годишник од селото Јурумлери, скопско, на кој како сопатник се превезувал и 15-годишник.
На местото на незгодата од лекар на Итна медицинска помош кај 16-годишниот мотоциклист од Јурумлери била констатирана смрт, додека останатите се здобиле со тешки телесни повреди, констатирани во Комплексот клиники „Мајка Тереза“ и Градската општа болница „Св.Наум Охридски“, каде биле пренесни за укажување на лекарска помош.
Извршен бил увид на местото на незгодата од увидна екипа од СВР Скопје.
