Уште двајца сведоци предложени од одбраната на Бојан Јовановски – Боки 13 треба да сведочат на денешното судско рочиште за случајот „Рекет”.
Одбраната на Јовановски има девет сведоци, а поранешната шефица на СЈО Катица Јанева предложила 13 сведоци, меѓу кои се има обвинители што работеа во СЈО.
Одбраната вчера ги повлече од листата на сведоци бизнисменот и поранешен градоначалник на општина Центар, Владимир Тодоровиќ, синот на осомничениот бизнисмен во „Империја“, Цветан Панделевски, Дејан, и сопругот на пратеничката Фросина Ременски, Јовче.
Стилистот Сергеј Варошлија, сопственичката на продавница за оптика Марија Јанковска и сопственикот на галерија Алекс Кртов сведочеа на вчерашното рочиште.
Јовановски е обвинет за перење пари и за примање награда за противзаконито влијание, а Јанева за злоупотреба на службената положба и овластувања.
