Секторот за оружје при МВР извршил контрола во цивилно стрелиште во Гази Баба, за кое е утврдено дека вршело неовластена продажба на муниција.
Контролата уследила откако претходно денеска, Одделот за криминалистичка полиција и Единицата за интервентна полиција при СВР Скопје сопреле два автомобила и при извршениот преглед кај Н.М. (40) пронајдени биле 200 куршуми калибар 7,62 мм, а во другото возило кај лицето Е.Х. (48) пронајдени биле 100 куршуми калибар 9 мм.
Двајцата се приведени, исто како и одговорното лице од стрелиштето И.Р. (41), а објектот ќе биде запечатен.
Против сите тројца ќе бидат поднесени кривични пријави по член 396 од Кривичниот законик.
