Полициски службеници од СВР Тетово синоќа околу 23.20 часот, извршиле акциска контрола во угостителски објект на ул. Борче Кочовски во Тетово, сопственост на П.Д.(23) од Тетово. Притоа, во објектот на една маса, со сопственикот биле затекнати уште девет лица, од кои пет малолетници, кои биле послужени со алкохолни пијалаци.
Во присуство на Јавен обвинител, инспектор за малолетници и социјален работник биле извршени прегледи на сопственикот П.Д. и на М.М.(20), Д.Д.(18), А.Т.(21), С.Ј.(25) и пет малолетнички на возраст од 16 години, сите од Тетово, при што кај сопственикот била пронајдена прашкаста материја.
Во координација со Јавен обвинител сите 10 лица приведени, а биле известени и родителите-старателите на малолетничките. Се преземаат мерки за расчистување на случајот.
