Мајката на убиениот Пино Секондо, Маја Трпковска, заедно со уште две лица денес беше приведена поради нарушување на јавниот ред и мир, објавија повеќе македонски медиуми.
Како што соопштуваат од МВР, приведените го нарушувале јавниот ред и мир на плоштадот во Скопје за време на одржување на НАТО вежбата „Одлучен удар“.
Според МВР, Трпковска и другите две лица одбиле да ги почитуваат наредбите од страна на полициските службеници и ја попречувале полицијата во извршување на службените дејствија.
Пинета Секондо беше пријавен за исчезнат во полиција, од страна на неговата мајка, на 11 декември минатата година. Полицијата го расветли случајот неколку месеци подоцна, кога информираше дека момчето било убиено и закопано во селото Љуботен.
