Судењето за предметот „Тенк“ на СЈО денеска продолжи со сведочење на Дејан Митровски Урко, поранешен шеф на обезбедувањето на Никола Груевски.
Тој пред судот рече дека возилата за обезбедување ВИП личности честопати биле во дефект поради што се случувале многу непријатни ситуации. Старите возила, според него, преидзвикувале опасност за функционерите кои се превезувале, а и тој повеќепати имал вртоглавици. Кажа дека уште кога Груевски станал премиер побарал од него да биде набавено ново соодветно возило и тоа барање постојано го повторувал во изминатите неколку години.
Во „Тенк“ за набавката на луксузниот мерцедес од 600 илјади евра, обвинети се поранешниот премиер Никола Груевски, поранешната министерката за внатрешни работи Гордана Јанкулоска и поранешниот помошник министер во МВР Ѓоко Поповски. Пред две рочишта Судот донесе одлука да ја раздвои постапката за Јанкулоска поради „ризична бременост“.
