Кривичниот суд ги повикува повисоките судски инстанци и независните информатичари да го проверат АКМИС-от
Кривичниот суд ги повикува Судскиот совет на Република Македонија, сите повисоки судски инстанци, како и независни информатичари со одобрение на Судскиот совет да извршат вонредни контроли на работата на АКМИС – системот и за сите евентуално утврдени нерегуларности да го известат Јавното обвинителство кое може да поведе соодветна постапка.
-Во однос на неоснованите написи на одредени портали поврзани со работата на АКМИС – системот, Основниот суд Скопје 1 го повикува Судскиот совет, и сите повисоки судски инстанци како и независни информатичари со одобрение на Судскиот совет, да извршат вонредни контроли на работата на АКМИС – системот и за сите евентуално утврдени нерегуларности да го известат Јавното обвинителство кое може да поведе соодветна постапка, се наведув аво соопштението од Кривичниот суд.
Согласно заложбите за трансапретно работење, како што велат од Судот, ги охрабруваат сите професионални новинари и невладини организации, за сите нејаснотии и шпекулации околу евентуални недоследности во работењето, да побараат став од судот или од повисоките судски инстанци кои ја регулираат работата на Судот.
