Една фирма и две лица од Виница се осомничени за продажба на лажни тестови за коронавирус. Според информациите на МВР, вчера по добиени сознанија дека лица од Виница вршеле незаконска продажба на несоодветни брзи тестови за детекција на вирусот ковид-19, било утврдено дека лицата В.П.(35) и М.А. (46) двајцата од Виница, заедно со правно лице од Виница нуделе и продавале несоодветни т.н. брзи тестови во врска со коронавирусот.
Поради постоење на основи на сомневање за сторено кривично дело незаконито земање и користење на генетски и биолошки материјал, бил извршен претрес во дом и други простории, при што во домот на В.П.пронајдени се седум кеси со натпис „Ковид Чек ТМ“ и едно шише од 2мл со течност со натпис „Буфер“, кои се одземени.
МВР апелира до граѓаните да им веруваат и да се обраќаат само на овластени медицински лица кои се матични лекари или епидемиолози на Институтот или Центарот за јавно здравје и да не наседнуваат на вакви измами.
Црни пазари за негативни ковид-тестови никнуваат низ целиот свет
Црни пазари за негативни тестови на ковид-19 никнуваат низ целиот свет бидејќи повеќе земји бараат патниците да го докажат својот негативен статус пред да влезат, пренесува „Њујорк пост“.
Во Франција минатата седмица беа уапсени седум лица за наводно продавање фалсификувани тестови за коронавирус на меѓународниот аеродром „Шарл де Гол“, објави Асошиејтед прес. Осомничените, кои не беа идентификувани, наплаќале до 360 американски долари за лажните тестови.
Според извештајот, властите го откриле криминалот откако пронашле човек кој со лажен тест патувал кон Етиопија. Наводните измамници се соочуваат со затворска казна од пет години ако бидат осудени.
Во Јужна Америка, бразилските власти уапсија четворица туристи кои покажале лажни тестови откако долетале во островски синџир на крајбрежјето крај бреговите на земја која бара патниците да покажат негативни резултати од тестовите.
Во Англија, еден човек изјавил за локален весник дека успеал да отпатува во Пакистан користејќи го негативниот тест за ковид-19 на својот пријател и на кој го сменил името.
– Можете едноставно да го добиете нивниот негативен тест и да го промените името и датумот на раѓање со ваши податоци. Исто така, ставате датум на тест от кој е во потребниот рок. Ја преземате електронската порака, ја менувате и потоа ја печатите “, рече човекот, кој не сакаше да биде именуван, за „Ланкашир телеграф “.
Тој додаде дека се решил на ваков потег затоа што не можел да добие термин за тестирање потебен за да патува бидејќи не е суштински работник.
– Луѓето го прават ова бидејќи не можете да добиете тест за ковид-19 ако треба да патувате во Пакистан за итен случај. Тешко е да се добие, освен ако не сте суштински работник – рече тој.
