Економскиот директор на болницата во Тетово, Артан Етеми, на социјалните мрежи огласи дека поради морални причини и последиците од пожарот се повлекува од функцијата. Неговата оставка доаѓа кратко по оставката на директорот на Клиничката болница во Тетово, Флорин Бесими.
– Чувствувајќи ја длабоката болка од трагедијата што се случи во модуларниот центар во Тетово, каде што бев и лично присутен, од тажните слики што ги доживеав извлекувајќи ги со свои раце телата на жртвите, во својство на економски директор ја давам мојата оставка од оваа позиција од морален чин.
Јас верувам на принципот дека истражните тела и меѓународно ангажираните експерти ќе ја откријат вистинската причина за тоа како настана трагедијата што се случи во модуларниот центар и која ги скрши нашите срца. Ја споделувам болката со роднините на жртвите – порачува во својата порака на социјалните мрежи Етеми.
