Шестнаесетгодишник од гостиварското село Сенокос вчера се здобило со тешки телесни повреди по пад од трактор со приколка во селото Добри Дол, што ја управувал А.Ч. (25) од село Топлица.
МВР информира дека момчето со возило на Итната медицинска помош било пренесено во Општата болница во Гостивар од каде поради карактерот на повредите било транспортирано во комплексот клиники „Мајка Тереза“ во Скопје.
Увид на местото на настанот извршила увидна екипа од Полициската станица Гостивар.
