Министерството за внатрешни работи информира за сообраќајните прекршоци што се санкционираат преку системот „Безбеден град“ и за глобите за разни видови прекршоци:
Пречекорување на брзината на движење во населено место(дозволена брзина до 50 km на час, по исклучок до 70 km на час со знак):
до 10 km на час над дозволеното – 15 евра
од 10 до 30 km на час над дозволеното – 50 евра
од 30 до 50 km на час над дозволеното – 300 евра и забрана за управување возило од три до 12 месеци
Пречекорување на брзината надвор од населено место(130 km на час на автопат • 110 km на час на пат за моторни возила • 90 km на час на други патишта)
до 30 km на час над дозволеното – 20 евра
од 30 до 50 km на час над дозволеното – 50 евра
од 50 до 70 km на час над дозволеното – 300 евра и забрана за управување возило од три до 12 месеци
Поминување на црвено светло:
Глобата е 250 евра
Забрана за управување од три до 12 месеци
Непрописно запирање и паркирање(пешачки премини, крстосници, мостови, зелени површини, места за лица со попреченост, велосипедски патеки, тротоари, автобуски постојки и други критични локации):
Во зависност од видот и тежината на прекршокот глобите се од 25, 40,150 и 180 евра
Учество во сообраќај со нерегистрирано возило (без важечка сообраќајна дозвола или без регистарски таблици):
Глобата е 500 евра
Ако истекот на сообраќајната дозвола е до 30 дена, глобата е 100 евра
Намалување на износот на глобите:
Ако плаќањето е во рок од осум дена, се плаќа 50 проценти од глобата
Ако има и забрана за управување, се изрекува во половина од пропишаниот рок
МВР апелира до сите учесници во сообраќајот да ги почитуваат правилата и прописите заради поголема лична и општа безбедност и за намалување на сообраќајните несреќи.
