Гласањето за избор на градоначалник на територијата на општина Маврово Ростуше утрово започна навреме и изминативе два часа се одвива непречено, информираат од ОИК. Граѓаните ќе гласаат во еден круг, со оглед дека има двајца кандидати.
– Сите избирачки места се отворени навреме и гласањето од утрово се одвива без забелешки. Материјалите, потребни за спроведување на изборниот процес се распределени навреме и не очекуваме некаков застој или прекин во текот на денот – изјави за МИА Ивана Ѓорѓевска претседател на ОИК.
Гласањето во Маврово и Ростуше го спроведуваат 33 избирачки одбори. Право на глас во оваа општина имаат 9.948 граѓани. Изборите за градоначалник беа распишани откако во два наврати не беа исполнети условите. Вчера гласот го дадоа 40 болни и немоќни лица.
