Пратеникот Беким Ќоку е новиот координатор на пратеничката група на ВЛЕН, согласно официјалното известување доставено до претседателот на Собранието на Македонија, Африм Гаши.
Како што соопштуваат од Собрание, покрај назначувањето на Ќоку, за заменици-координатори се именувани пратениците Мерита Колчи Коџаџику и Аднан Азизи.
Ажурираниот состав на групата вклучува девет пратеници: Африм Гаши, Аднан Азизи, Беким Ќоку, Калтрина Беќири, Имерлије Салиу, Саранда Имери, Фериде Хаџиу, Мерита Колчи Коџаџику и Беким Сали.
