Поранешниот грчки премиер и актуелен лидер на СИРИЗА, Алаксис Ципрас, на 1 октомври доаѓа во Скопје на конференцијата за Западен Балкан што ја организира „Економист“, пренесуваат повеќе македонски медиуми.
Самитот, со наслов „Зајакнување на моментумот за европска интеграција“ на чии панел-дискусии, мешу другите, ќе дебатираат Алексис Ципрас, поранешниот претседател на Европскиот парламент Мартин Шулц, поранешниот помошник државен секретар на САД Вес Мичел, заменик-претседателот на ЕП и европратеник од СИРИЗА, Димитрис Пападимулис, премиерот Зоран Заев, вицепремиерот за европски прашања Бујар Османи, како и министерот за надворешни работи Никола Димитров.
Конференцијата официјално ќе биде отворена со обраќањето на премиерот Заев на темата „Стабилност и развој во Југоисточна Европа, дали сме на правилниот пат?“. На посебна панел-дискусија за време на самитот, Заев, Ципрас и Шулц ќе дебатираат на темата „Кои се следните чекори за европска интеграција на Западен Балкан?“.
