Во северозападните и источните делови, како и во Пелагонија, попладнево има локален развој на нестабилна облачност со пороен дожд, грмежи и засилен ветер, информира УХМР.
Во текот на вечерта ќе биде умерено облачно и топло со локален развој на нестабилна облачност проследена со пороен дожд и грмежи. Поради големата енергија во атмосферата можна е и изолирана појава на поинтензивни процеси во форма на невреме со град и силен ветер. Во втората половина од ноќта атмосферата постепено ќе се стабилизира.
И во Скопската котлина до крајот на денов локално ќе има пороен дожд, грмежи и засилен ветер.
Времето утре претпладне ќе биде сончево и топло, попладне со локален развој на нестабилна облачност проследена со пороен дожд и грмежи. Утринската температура ќе се движи од 12 до 21, а дневната од 30 до 38 степени. Вредноста на УВ-индексот ќе биде 8.
Во Скопје сончево со мала до умерена облачност. Температурата ќе се движи од 20 до 35 степени.
И во петок во попладневните часови на места ќе има пороен дожд и грмежи, а локално во источните делови ќе има услови за појава на поинтензивни процеси во форма на невреме. Дневните температури во петок ќе се намалат за неколку степени.
Потоа од сабота до вторник следува период на сончево, стабилно и повторно многу топло време.
