Со 62 гласа „за“ и 17 „против“, Собранието го назначи Арменд Арслани од ДУИ за нов заменик-министер за здравство.
Арслани е специјализант по урологија на Медицинскиот факултет при УКИМ, а претходно работел како доктор по општа медина во Специјализираната болница за нефрологија во Струга.
На функцијата доаѓа на местото на Асим Муса, кој поднесе оставка по скандалот со земање мито.
Пратениците од опозициската ВМРО-ДПМНЕ обвинија дека не треба нов заменик-министер за здравство, туку нов министер за здравство.
Според нив, работата на Венко Филипче е скандалозна и на сите анкети граѓаните се незадоволни од тоа што тој го има направено.
