Од АМСМ предупредуваат дека поради одрони, сообраќајот на регионалниот пат Делчево – Каменица се одвива по една сообраќајна лента. Како што се наведува, се преземаат мерки за рсчистување на коловозот.
Исто така се наведува дека денеска ќе се започне со изведување на градежни активности при поставување на индуктивни јамки на автопат А2, патен правец Маврово-Кичево, за што ќе се изврши промена на сообраќајниот режим.
Денес ќе се започне и со изведување на градежни активности за поставување на електрично осветлување на крстосницата Другово, на магистралниот пат А2, делница: Кичево – Охрид, за што ќе се изврши промена на режимот на сообраќај во времетраење од 6 месеци.
