Дваесет и седум години од загинувањето на војникот Јован Димитров беа одбележани денеска во Неготино, со положување цвеќе пред неговата спомен биста. Младиот неготинец го загуби животот на 19 години, во воениот конфликт на просторот на поранешна Југославија, во 1991 година.
Обраќајќи се пред присутните, неготинскиот градоначалник, Тони Делков изрази искрено и длабоко сочуство до најблиските на прерано загинатото момче. Тој ја истакна должноста, како и во изминатите 27 години, така и во иднина, да продолжи негувањето на сеќавањата за Јован.
Во негова чест, во организација на општина Неготино и Боречкиот клуб од овој град, се одржува седмиот меморијалниот турнир во борење, кој го носи името на Јован Димитров, а на кој учествуваат 70 борачи од цела држава.
