Припадниците на Министерството за внатрешни работи на Македонија спроведуваат нова голем акција, се вршат претреси на повеќе локации во Скопје, Битола, Неготино, Дојран, Гевгелија. Се работи за криминална група која криумчарела скапи возила од ЕУ.
Според информациите од Јавното обвинителство, под раководство на јавен обвинител од Основното јавно обвинителство Скопје од утрово се преземаат дејствија за обезбедување докази во постапка за кривични дела поврзани со криумчарење луксузни автомобили од странство.
Надлежниот јавен обвинител од судијата на претходна постапка обезбеди наредби за претрес на повеќе локации во Скопје и други градови.
Меѓу осомничените има и службени лица и еден странски државјанин.
Претресите се спроведуваат од припадници на МВР, а за натамошниот тек на постапката и за конкретните дејствија за кои постојат сомненија дека ги сторило секое од инволвираните лица, од обвинителството соопштија дека ќе информира по нивното завршување.
