Косовскиот Уставен суд го суспендираше претседателскиот декрет чија цел беше да се формира влада која ќе ја замени онаа на Албин Курти, за која беше изгласана недоверба на крајот на март.
Минатиот четврток, претседателот Хашим Тачи, политички ривал на Курти, му довери на поранешниот вицепремиер Авдулах Хоти претседателски указ за формирање заменска влада на национално единство.
Сепак, уставните судии на барање на Курти, ја прекинаа постапката до крајот на месецот, објави весникот „Коха Диторе“.
Косово веќе неколку недели е во политичка криза, влошена од пандемијата на коронавирусот, што доведе до горливо ривалство меѓу претседателот и премиерот.
Поради ширењето на епидемијата на коронавирус, претседателот Тачи повика на прогласување вонредна состојба за да може да извршува посебни овластувања.
Кога Курти се спротивстави на барањето, Конзервативната партија ДСК ја напушти владината коалиција, под притисок на американските дипломати. Владата потоа падна.
Судиите сега ќе одлучат за оспорувањата на Курти во однос на обидите на Тачи да формира влада, врз основа на тоа што претседателот ја заобиколил неговата партија, која е најголемата во парламентот.
