Регулаторната комисија за енергетика и водни услуги донесе одлука со која се врши зголемување на малопродажните цени на нафтените деривати во просек за 0,04 отсто во однос на Одлуката од 12 јули.
Овој раст на цени на светските берзи го достигна нивото со кои се исполнија условите да се намали акцизата за два денари за литар за ЕУРОДИЗЕЛ (Д-Е В) согласно Уредбата со законска сила за дополнување на уредбата со законска сила за примена на законот за акцизите за време на вонредна состојба, велат од Регулаторна комисија.
Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното масло за домаќинство (ЕЛ-1) се зголемуваат за 0,5 денар/литар.
Малопродажната цена на ЕУРОДИЗЕЛ (Д-Е В), се намалува за 2 денар/литар, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 12 јули и со тоа малопродажната цена на ЕУРОДИЗЕЛ (Д-Е В) изнесува 61 ден/литар.
Малопродажната цена на Мазутот М-1 НС се зголемува за 0,299 ден/кг и сега ќе изнесува 38,018 ден/кг.
Од 20 јули од 00.01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 72,5 (денари/литар)
Моторен бензин ЕУРОСУПЕР БС -98 74,5 (денари/литар)
Дизел гориво ЕУРОДИЗЕЛ БС (Д-Е В) 61 (денари/литар)
Масло за горење Екстра лесно 1 (ЕЛ-1) 63,5 (денари/литар)
Мазут М-1 НС 38,018 (денари/килограм)
Во изминатиот седумдневен период сите референтни цени на светските берзи во просек бележат зголемување: бензинот за 1,717%, дизелот за 0,886%, екстра лесното масло за 1,285% и кај мазутот зголемувањето е за 1,197%.
Во истиот период курсот на денарот во однос на доларот е понизок за 0,123%, информираат од Регулаторна комисија.
