Домување
Кога ќе се вратите дома од трчање или од вежбање, дали веднаш ја ставате облеката во машината за перење? Или ја оставате на стол за утредента пак да ја носите? Без оглед на различните препораки – што е најдобро за нашето здравје? Ако помислата дека повторно ќе ја носите вашата испотена маица или влажен спортски градник ве прави анксиозни, треба да знаете дека кога облеката е влажна, вклучувајќи и од пот, бактериите се размножуваат многу побрзо.
Во минатото облеката за вежбање обично се правела од природни влакна (најчесто памук). Сега најчесто се прави од синтетички ткаенини со високи перформанси. Тие се дизајнирани да ја контролираат влагата, да ја регулираат температурата, да го подобрат дишењето и да го контролираат мирисот. Сепак, истражувањата покажаа дека овој вид облека за вежбање, особено синтетичката ткаенина, може да содржи значителни количества бактерии само по една употреба. Имено, полиестерот ја задржува влагата, создавајќи топла, влажна микросредина, која ја претпочитаат бактериите. Сепак, истражувањата покажуваат дека иновациите во текстилот, како што е интеграцијата на сребрените наночестички во влакна, третманите базирани на есенцијални масла, долготрајните антимикробни третмани и иновациите на структурните влакна ја прават облеката потрајна и подобра во контролирањето на бактериите.
Дали е безбедно повторно да се носи облека за вежбање?
Тоа зависи од неколку фактори. Природните влакна, како памукот, размножуваат помалку бактерии што предизвикуваат миризба отколку синтетичките. Значи, ако ги носите овие ткаенини за вежбање, тие можат да издржат неколку носења пред да им треба перење. Активностите со низок интензитет, кои предизвикуваат минимално или слабо потење (вклучувајќи нежна јога или одење), можат да гарантираат дека можете да ја носите истата облека неколкупати без никакви проблеми.
