Изградбата на патишта е трудоинтензивен и сложен процес, кој одзема многу ресурси. Неретко се загрозени и работниците што непосредно учествуваат во тој процес.
Потребни се синхронизирани напори на голема работна сила и многу машини што работат заедно за поставување на асфалтот, обезбедување на соодветната основа и
одржување на стандардите. Во еден таков процес неретко се случуваат и несакани ситуации, кои не може да бидат предвидени. Но, сега, со новиот револуционерен проект во Кина, се асфалтираат стотици километри патишта без да биде загрозен ниеден човечки живот, а ефикасноста на работењето се доведува до максимум
Револуционерен проект во Кина поставува нови стандарди за изградба на патишта. Кинеските градежници постигнаа значаен подвиг со тоа што станаа први во светот што асфалтираа дел од патот без ниту еден работник ангажиран во работата, туку само со помош на градежни машини и дронови за надзор и контрола на процесите.
Тоа вклучува асфалтирање на 157,79 километри од автопатот Пекинг-Хонгконг-Макао.
Изградбата на патишта одамна е трудоинтензивен и сложен процес, кој одзема време. Потребни се синхронизирани напори на голема работна сила и многу машини што работат заедно за поставување на асфалтот, обезбедување на соодветната основа и одржување на стандардите.
Сепак, револуционерен проект во Кина поставува нови стандарди за изградба на патишта со вклучување напредна автономна технологија во големите работи на патиштата.
Меѓу многуте револуционерни елементи на проектот е паверот SAP200C-10, кој беше првиот во светот што поплочи асфалтен дел широк 19,25 метри со еден премин. Традиционално, асфалтните патишта се поставуваат во повеќе премини, што бара создавање неколку спојници помеѓу секој премин. Овие т.н. зглобови/спојници може да бидат слаби точки во структурата, што може да доведе до пукнатини и други проблеми со текот на времето.
Овозможувајќи со проектот да бидат покриени толку големи површини со еден потег, проектот не само што го забрза процесот на изградба туку и го намали бројот на спојници, подобрувајќи ги мазноста и структурниот интегритет на патот. Ова достигнување означува значаен чекор напред во традиционалната асфалтна конструкција, поставувајќи нови одредници за изградба на патишта низ светот.
Поплочувањето без екипаж го намали ризикот од безбедносни инциденти, како и трошоците за работна сила, бидејќи беа потребни помалку работници за директно управување со машините, а овој проект нуди модел за иднината на изградбата на патишта низ светот.
Автономните системи можат да работат 24 часа на ден, без прекин, и може да се оптимизираат за да се справат со сложеноста на изградбата на патишта со многу поголема прецизност од човечките работници.
