Од 1949 година, кинеската влада им подарува џиновски панди на различни земји, во знак на добра волја и пријателство. Џиновските панди одиграа позитивна улога во поттикнувањето пријателски односи, ширењето на концептите за
еколошка цивилизација и справувањето со предизвиците за нивното размножување, меѓу другите области
Неформалните амбасадори на Кина стекнуваат симпатии низ светот
Десетици џиновски панди моментно живеат во зоолошки градини низ светот, со што им носат радост на луѓето и истовремено генерираат економски придобивки за институциите каде што живеат и придонесуваат за зачувување на биолошката разновидност. Од 1949 година, кинеската влада им подарува џиновски панди на различни земји, во знак на добра волја и пријателство.
Цврсто гушкајќи ги кадифените играчки со ликот на панди и мавтајќи со кинеското и белгиското знаме, група посетители во зоолошката градина „Паири Даиза“, со солзи во очите се збогуваа со џиновските панди Тијан Бао, Бао Ди и Бао Меи. Овие три панди, родени во Белгија, во изминатите неколку години им донесоа радост и убави спомени на Белгијците, по што се вратија во нивната татковина во Сечуан, во југозападна Кина на 10 декември.
Во исто време, во Москва, младенчето на пандата Катјуша радосно се тркалаше во снегот, а видеоснимката споделена на интернет стана вирален хит.
Во САД, џиновските панди Бао Ли и Кинг Бао, кои пристигнаа од кинески Сечуан во националната зоолошка градина „Смитсонијан“ во Вашингтон пред два месеца, сега уживаат во своите нови играчки.
Посетителите во зоолошката градина во Аделаида, Австралија, со нетрпение чекаат да ги видат новите жители, пандите Синг Киу и Ји Лан, кои пристигнаа со чартер-лет во неделата.
Низ светот, џиновските панди не служат само како „амбасадори на добра волја“ и „културни пратеници“ на Кина туку и како мост што ја зајакнува врската меѓу кинескиот народ и другите народи низ светот.
До денес, Кина е ангажирана во соработка и програми за размена на панди со 26 институции во 20 држави, според евиденцијата од Националната управа за шумарство и пасишта.
Џиновските панди одиграа единствена и позитивна улога во поттикнувањето пријателски односи, ширењето на концептите за еколошка цивилизација и за справувањето со предизвиците за нивно размножување, меѓу другите области. Ваквите активности се во насока на поддржување на зачувувањето на дивиот свет и претставуваат модел за глобална соработка во заштитата на загрозените видови.
Подготви: Христо Ивановски
