Европската комисија ќе ослободи 392 милијарди евра од таканаречениот кохезиски фонд за зголемување на воените трошоци
План за зајакнување на воено-индустрискиот комплекс на Европската Унија
Европската комисија има намера да пренасочи околу 400 милијарди евра од буџетот на Европската Унија, првично наменети за развој на неразвиените региони, кои ќе бидат потрошени за зајакнување на воено-индустрискиот комплекс на земјите членки и за воена помош за Украина. Решавањето на овие прашања ќе го надгледува европскиот комесар за одбрана – позиција што за првпат ќе биде отворена во новиот состав на Европската комисија, кој ќе почне со работа на 1 декември.
Имено, и „Фајненшл тајмс“ објави дека Европската комисија ќе ослободи 392 милијарди евра од таканаречениот кохезиски фонд за зголемување на воените трошоци. Оваа сума е распределена во буџетот на ЕУ за периодот 2021-2027 година за да се намали економската нееднаквост во заедницата. Кохезиониот фонд е една од најголемите буџетски програми наменети за финансирање на најмалку развиените региони на земјите од ЕУ.
Претседателката на Европската комисија, Урсула фон дер Лајен, вети дека ќе ја претвори ЕУ во „одбранбена унија“. Таквите планови вклучуваат развој на заеднички европски систем за противвоздушна одбрана, тројно зголемување на бројот на крајбрежните и граничарите стражи, како и назначување европски комесар за одбрана. Р.С.
Прекумерната бирократија скапо ја чини Германија
Економски колапс во пакет со административен
Прекумерната бирократија ја чини Германија до 146 милијарди евра годишно загубено економско производство, покажува најновата студија објавена од Минхенскиот институт за економски истражувања (ИФО). Пресметките се базираат на таканаречениот индекс на бирократија, кој дава повеќедимензионална слика за административниот товар во различни земји.
– Големиот обем на трошоци предизвикани од бирократијата покажува дека на Германија ѝ се потребни итни реформи – истакна директорот на Центарот за индустриска организација и нови технологии ИФО, Оливер Фалк.
Според него, доколку Германија ја достигне Данска во однос на дигитализацијата на јавната администрација, нејзиното економско производство би се зголемило годишно за 96 милијарди евра.
Извршниот директор на Индустриската и трговската комора за Минхен и Горна Баварија, Манфред Гесл, наведе дека е неопходно да се воведе „итен мораториум“ на бирократијата.
Сите барања за верификација и документација, обврски за известување и статистички извештаи, сите постојани измени на законот, барањата за заштита на податоците и административните процедури што одземаат многу време мора внимателно да се испитаат, значително да се поедностават и во некои случаи целосно да се укинат и во Берлин и во Брисел, посочи Гесл. Р.С.
