Според критичарите, гледајќи наназад неколку години или децении, повеќето нови верзии на класиците, без сомнение, се лоши и неуспешни, со гигантски загуби
Неодамна експлодира веста за рестартирање на серијата „Сексот и градот“ без Саманта Џонс, новата верзија на „Озборувачка“ моментално се снима на големо, а почнаа и гласини за серијата „Хари Потер“.
Холивуд не застанува со својата опсесија со римејкови, рестартирања на серии и филмови, а мнозинство критичари не се откажуваат од тврдењето дека тие речиси секогаш носат гигантски неуспеси.
Зошто новите верзии на култни филмови и серии не можеме да ги поднесеме, а сепак со толку напнатост се радуваме и ги исчекуваме? И дали навистина треба конечно да се откажеме од нив? Зошто да се обновуваат класиците или зошто се мразат модерните верзии на култните филмови и серии?
Гледајќи наназад неколку години или децении, повеќето нови верзии на класиците, без сомнение, беа лоши и неуспешни.
Сепак, и покрај тоа, се појавија и неколку филмски и ТВ-наслови за кои следува римејк за кој се очекува дека може да донесе нешто различно, нова димензија во веќе култната приказна.
Дозата на носталгија една од причините
Еден од најчестите проблеми што ги има публиката или критичарите со адаптациите на класиците е игнорирање на контекстот во кој настанала приказната пред сѐ. Логично е што некои филмски и ТВ-приказни нема да го имаат истиот успех или резонанца денес како што го имале во некое друго време или во нивното вистинско време, ниту, пак, ликовите и нивните приказни воопшто се релевантни за нас.
Се поставува универзалното прашање зошто да се обнови нешто што е веќе добро само по себе, но, секако, има и генијални преработки и рестартирања, кои пак велат „зошто да не“.
Потоа, премногу се забележуваат форсирањето на технологијата (особено во акциски серии и филмови) и комерцијалниот успех како единствена причина да се снимаат такви преработки и рестартирања воопшто.
На пример, минатата година „Аладин“ на „Дизни“ беше проследен со лоши реакции, но немаше никакво незадоволство од страна на продукцијата, бидејќи филмот постигна огромни финансиски бројки.
Зошто сè уште гледаме преработки?
Кон старите серии и филмските класици, ние сме обврзани со нешто повеќе од квалитетот на тој филм. Дозата на носталгија поврзана со нив им дава голема задача на режисерите и на тимот што работи на модерните верзии, затоа што е тешко да се премости тоа чувство и да се обликуваат нови актери во некои иконски ликови кон кои публиката веќе долго време е приврзана.
Единствената причина за да не се откажат режисерите од оживувањето на култните приказни е приближувањето до новата публика на сосема разбирлив начин, во свое време, во нов културен контекст. Тоа ѝ дава на приказната нов визуелен, честопати толку фасцинантен ефект, што само додава на квалитетот и впечатокот на серијата или филмот.
Меѓу најочекуваните преработки е „Дина“
Преработката на „И исто како тоа“ веќе доби тизер. Се очекува и „Озборувачка“, која ќе има 10 епизоди и ќе следи нова група богати деца од елитните кругови на Менхетн. Тинејџерскиот класик „Клулес“ се врати во форма на нова ТВ-серија! Во моментов знаеме дека серијата ќе прикаже што се случува откако училишната кралица Шер исчезна без трага и нејзината најдобра пријателка (која секогаш е во нејзината сенка) ѝ скокна во чевлите.
„Амазон“ моментално работи на римејк на познатиот хорор-филм „Знам што направи минатото лето“, во форма на стриминг-серија. Продукцијата потврди дека серијата нема да биде чиста преработка на филмот, но ќе се потпира на оригиналот.
Поминаа речиси 27 години од култниот филм „Хокус покус“, во кој Бет Мидлер, Сара Џесика Паркер и Кети Наџими станаа најпознатото трио вештерки. Сега приказната за вештерките од Салем се враќа во ново руво. Ова не е класичен римејк на филмот, туку негово продолжение, што значи дека следуваат нови филмски ликови, а сè уште не е потврдено дали ќе се вратат оригиналните вештерки.
Меѓу најочекуваните преработки е „Дина“, со Тимоте Шаламет во главната улога. Не е преработка на конкретниот филм, но не е ниту прва адаптација на романот на Френк Херберт. Режисер на филмот е Денис Вилнев, а на Шаламет ѝ се придружуваат Зендаја, Џејсон Момоа, Стелан Скарсгард, Ребека Фергусон, Оскар Ајзак, Џош Бролинг, Дејв Батиста и Хавиер Бардем. Би било скромно да се каже дека актерската екипа е импресивна.
