Иако за многумина главната водечка мисла при одлучувањето да започнат со вежбање е фокусот на губење на тежината, истражувачите тврдат дека пренасочувањето на вниманието кон подобрување на вашето ментално и физичко здравје може да донесе подобри резултати.
Претходно оваа година, „Њујорк тајмс“ објави статија од Шарлот Каулс за поимот „неутралност на телото“, кој таа го дефинира како способност да се прифати и почитува телото дури и ако не е какво што би сакале да биде.
Во време кога глобалниот вирус нѐ потсети дека физичкото здравје, секако, мора да биде поважно од грижата за изгледот, неутралноста на телото е термин за кој истражувачите веруваат дека носи посебни придобивки кога станува збор за вашето фитнес-патување. Телесната неутралност те поттикнува да го почитуваш и прифатиш своето тело поради неговите способности и помага да ја видиш поголемата слика за она што можеш да го направиш и постигнеш.
Истражувањата сугерираат дека тоа е можно. Како што објави Каулс, студијата за психологија на вежбањето од 2018 година покажа дека учесниците на кои им било наложено да се фокусираат на функцијата и силата на своето тело за време на краткиот групен фитнес-час рекле дека се чувствуваат позадоволно од активноста отколку групата што се водела низ часот со внимание фокусирано на изгледот.
Дополнително, оние од групата фокусирана на јачината на телото го опишаа часот со попозитивни зборови и изјавија дека имаат помала контрола на телото за време на часот.
Овие наоди се во согласност со истражувањето што сугерира дека вежбањето може да ги подобри расположението и задоволството на телото, но исто така сугерира дека тренингот што е повеќе фокусиран на функциите може да доведе до уште поголеми подобрувања.
Друга студија наведена од Каулс заклучи дека кога учесниците гледале на вежбањето како начин да ги олеснат нивните дневни приоритети, како што е користењето физичка активност како време кога можат да се поврзат со своите сакани, тие биле помотивирани отколку кога ја гледале активноста како помалку непосредно средство за постигнување на целта, како што е губење на тежината.
